ရုပ်ကျသွားတယ်လို့ ဝေဖန်နေတဲ့ အပေါ် ထွန်းထွန်းရဲ့ အမြင်
Examplez အဖွဲ့ကနေ တက်လှမ်းလာခဲ့တဲ့ ထွန်းထွန်းက ယနေ့အချိန်ထိ နာမည်မကျသေးဘဲ ရပ်တည်မှုတစ်ခုကို ဆက်လက်ထိန်းသိမ်းလာတာ ဖြစ်ပါတယ်။ အုတ်ကြားမြက်ပေါက် ရုပ်ရှင်ကားကြီးနဲ့ အကယ်ဒမီဆုကို ထိုက်ထိုက်တန်တန် ဆွတ်ခူးခဲ့တဲ့ ထွန်းထွန်းအတွက် ပရိသတ်တွေကလည်း ဝမ်းသာကြပါတယ်။ ဟိုးအရင်က ဇာတ်ကားတွေမှာ သရုပ်ဆောင်မပီပြင်တာတွေ ရှိကောင်းရှိခဲ့နိုင်ပေမဲ့ လက်ရှိမှာတော့ ထွန်းထွန်းက သဏ္ဍာန်လုပ် သရုပ်တူ အကောင်းဆုံး သရုပ်ဆောင် နေနိုင်ပါပြီ။
သဘာဝဇာတ်ရုပ်တွေပဲ ကမ်းလှမ်းလာတဲ့အတွက် ကာရိုက်တာအတွက် ပြင်ဆင်နေရပုံကို ထွန်းထွန်းက ခုလို ပြောပြသွားပါတယ်။“အဓိကကလေ ပြီးခဲ့တဲ့ တစ်နှစ်လုံးမှာ ကျွန်တော့်ကို လာပြီး ကမ်းလှမ်းတဲ့ ကာရိုက်တာတွေက တော်တော်လေးကို ကြွယ်ဝချမ်းသာတဲ့ အသိုင်းအဝိုင်း မဟုတ်ဘဲ သဘာဝ ဆန်ဆန် ဇာတ်ရုပ်တွေကို ကမ်းလှမ်းကြတယ်။ အဲ့အပေါ်မှာ ကျွန်တော် ပြင်ဆင်နေတယ်။ နှုတ်ခမ်းမွှေးတွေဆိုလည်း ထားရတဲ့ အခါမျိုးမှာ ရှိတယ်။ ကိုယ့်ဟာနဲ့ကိုယ် အပြင်သွားရင်တောင် ကိုယ်မှန်း ဘယ်သူမှ မသိကြဘူး။
ဘော်ဒီဝိတ်နဲ့ ပတ်သက်ပြီး ကျွန်တော် ရည်မှန်းထားတဲ့ ကားလေးရှိတယ်။ အဲ့အတွက် ကျွန်တော် ပြင်ဆင်နေတယ်ပေါ့နော်။ တစ်ချို့ ပရိသတ်တွေက ကျွန်တေ်ာ မျက်နှာ အရမ်းကျသွားတယ်။ မဟုတ်တာတွေ လုပ်နေတယ်ပေါ့။ ကျန်းမာရေးမကောင်းဘူး ဆေးချနေတယ်ဆိုပြီး ပြောနေတာတွေက တစ်ခုမှ မဟုတ်ပါဘူး။ ကျန်းမာရေးလည်း အရမ်းကောင်းပါတယ်။ ဇာတ်ကားရိုက်ဖို့အတွက် အဓိကထား ပြင်ဆင်နေတဲ့ အခိုက်အတန့်ပါလို့။” ဆိုပြီး ပြောပြသွားပါတယ်။
ဇာတ်ကောင်နဲ့ လုံးဝတူအောင် အပင်ပန်းခံ ပြင်ဆင်ရပုံကို ထွန်းထွန်းက ခုလို ပြောသွားပါတယ်။“ရုပ်ရှင်တစ်ကားက ကြည့်တော့သာ ဘာမှ မဟုတ်တာ။ ပြင်ဆင်ရတဲ့ အပိုင်းတွေ အများကြီး ရှိပါတယ်လို့။ တစ်ချို့ဇာတ်ကားတွေအတွက် ကျွန်တော် ပြင်ဆင်တဲ့အခါ အသားတွေ ညိုအောင်လို့ နေပူထဲမှာ ကျွန်တော် အကြာကြီး ထိုင်ခဲ့ဖူးတယ်။ အညိုလိမ်းတာ အားမရလို့။ တစ်ချို့ ကာရိုက်တာ ကျတော့လည်း ကျွန်တော့် ရုပ်မဟုတ်ဘဲ တစ်ခြားသူကြီး ဖြစ်အောင် ကြိုးစားနေတာဆိုတော့ ဒီလို ပြင်ဆင်မှုမျိုးက လိုအပ်တယ်ဗျ။” လို့ ဆိုပါတယ်။
မုန်းစွဲမှာ မအေးသောင်းရဲ့ ကာရိုက်တာကို ရင်မှာစွဲထင်သွားကြောင်း ထွန်းထွန်းက ခုလို ချီးကျူးသွားပါတယ်။“မုန်းစွဲကား သွားကြည့်တော့ အဓိကက နေမင်းအောင်ကို လွမ်းတာပေါ့နော်။ တစ်ခြား ကာရိုက်တာတွေ အကုန်လုံး ပြင်ဆင်ထားတာ အရမ်းကောင်းတယ်။ အဲ့မှာ မအေးသောင်းရဲ့ ဇာတ်ရုပ်ကို ကျွန်တော် ကြိုက်တယ်။ အားလုံး ကြည့်ပြီးချိန်မှာ ကျွန်တော် စွဲကျန်ခဲ့တာက သူ့ရဲ့ ဇာတ်ရုပ်ပေ့ါနော်။ ကိုကြံ့လည်း အရမ်းကောင်းတယ်။ ရူးသွပ်မှုတွေ အများကြီးပါတဲ့ ကားတစ်ကားကို သွားကြည့်လိုက်ရတာ တန်တယ်။ ကျွန်တော့်ရင်ထဲမှာတော့ မအေးသောင်းရဲ့ ကာရိုက်တာက စွဲထင်ကျန်ခဲ့တယ်။” ဆိုပြီး ပြောသွားပါတယ်။
ရုံတင်ကားတွေများလာဖို့ မျှော်လင့်သလို သဘာဝအဆန်ဆုံး အကောင်းဆုံး ဖြစ်အောင် ကြိုးစားသွားမယ်ဆိုတာကိုလည်း ထွန်းထွန်းက ကတိပေးသွားပါတယ်။
https://nanmalgyi.com/archives/49969
No comments:
Post a Comment
Note: Only a member of this blog may post a comment.