စီးနင္းခ က်ပ္ ၅၀၀ ေပးရမည့္ ရန္ကုန္မိုးပ်ံ ရထားလမ္း တည္ေဆာက္ရန္ ေဆြးေႏြး

January 15, 2019 Admin Kwee NEWS Comments Offon စီးနင္းခ က်ပ္ ၅၀၀ ေပးရမည့္ ရန္ကုန္မိုးပ်ံ ရထားလမ္း တည္ေဆာက္ရန္ ေဆြးေႏြး

လူတစ္ဦးလွ်င္ စီးနင္းခ အၾကမ္းဖ်င္း က်ပ္ ၅၀၀ သတ္မွတ္ထားသည့္ ရန္ကုန္မိုးပ်ံရထားလမ္းတည္ေဆာက္ရန္ ေဆြးေႏြးမႈမ်ား လုပ္ေဆာင္ေနေၾကာင္း မဂၤလာေတာင္ညႊန္႔ၿမိဳ႕နယ္ မဲဆႏၵနယ္(၂) ရန္ကုန္တိုင္းေသႀကီးလႊတ္ေတာ္ ကိုယ္စားလွယ္ ဦးရန္ေအာင္က ဆိုသည္။

မိုးပ်ံမီးရထားလမ္း တည္ေဆာက္မည့္ တရုတ္ႏိုင္ငံအေျခစိုက္ China Railway Eryuan Engineering Group ကုမၸဏီႏွင့္ ကရင္တိုင္းရင္းသာလူမ်ဳိးေရးရာ၀န္ႀကီး ေနာ္ပန္းသဥၨာမ်ဳိးတို႔က မိုးပ်ံရထားလမ္း စီမံကိန္းႏွင့္ ပတ္သက္၍ ရန္ကုန္တိုင္းလႊတ္ေတာ္ ကိုယ္စားလွယ္မ်ားနွင့္ ေဆြးေႏြးခ်က္မ်ားကို ၎ကတစ္ဆင့္ျပန္လည္ ေျပာၾကားျခင္းျဖစ္သည္။

မိုးပ်ံရထားလမ္း တည္ေဆာက္ရန္အတြက္ လက္ရွိၿမိဳ႕ပတ္ရထားလမ္းကိုအသံုးျပဳရန္ႏွင့္ သီးျခားလမ္း ေဖာက္လုပ္ရန္ေဆြးေႏြးထားၿပီး တည္ေဆာက္ေရးကာလကို ၂၄ လ ႏွင့္ ၃၆ လ ၾကာျမင့္ကာ ႏွစ္ ၅၀ လုပ္ကိုင္ခြင့္ျပဳရန္ China Railway Eryuan Engineering Group ကုမၸဏီက ေဆြးေႏြးခဲ့ေၾကာင္း တိုင္းလႊတ္ေတာ္ကိုယ္စားလွယ္ ဦးရန္ေအာင္က ဆိုသည္။

မိုးပ်ံရထားလမ္းေျပးဆြဲပါက ယာဥ္ေၾကာက်ပ္တည္းမႈကို အထိုက္အေလ်ာက္ ေျဖရွင္းႏိုင္မည္ျဖစ္သည့္အတြက္ ယင္းစီမံကိန္းကို တိုင္းလႊတ္ေတာ္ကိုယ္စားလွယ္မ်ားက ႀကိဳဆိုေသာ္လည္း လမ္းအသစ္ေဖာက္လုပ္ပါက ေျမယာကိစၥမ်ားေျဖရွင္းရမည္ေသာေၾကာင့္ အခ်ိန္ၾကန္႔ၾကာႏိုင္ေၾကာင္း ၎ကဆိုသည္။

တည္ေဆာက္ၿပီးပါက တစ္ရက္လွ်င္ လူေလးသိန္းခန္႔စီးနင္းႏိုင္မည္ဟု China Railway Eryuan Engineering Group ကုမၸဏီက ခန္႔မွန္းတြက္ခ်က္ထားေၾကာင္း ၎ကဆိုသည္။

ရန္ကုန္တုိင္းအတြင္း ရန္ကုန္မိုးပ်ံအျမန္လမ္း (YEX) Phase 1 စီမံကိန္းကို ၂၀၂၂ ခုႏွစ္တြင္ အၿပီးတည္ေဆာက္ရန္ စီစဥ္ေနေၾကာင္း ေဆာက္လုပ္ေရး၀န္ႀကီးဌာနကလည္း သတင္းထုတ္ျပန္ထားသည္။

ပံု – ရန္ကုန္တိုင္းေဒသႀကီးအစိုးရအဖြဲ႕ FB
မိုးပ်ံရထားလမ္းတည္ေဆာက္ရန္ ေဆြးေႏြးေနပံု
Credit_The Voice

Unicode

စီးနင်းခ ကျပ် ၅၀၀ ပေးရမည့် ရန်ကုန်မိုးပျံရထားလမ်းတည်ဆောက်ရန် ဆွေးနွေး

ရန်ကုန်၊ ဇန်နဝါရီ ၁၄

လူတစ်ဦးလျှင် စီးနင်းခ အကြမ်းဖျင်း ကျပ် ၅၀၀ သတ်မှတ်ထားသည့် ရန်ကုန်မိုးပျံရထားလမ်းတည်ဆောက်ရန် ဆွေးနွေးမှုများ လုပ်ဆောင်နေကြောင်း မင်္ဂလာတောင်ညွှန့်မြို့နယ် မဲဆန္ဒနယ်(၂) ရန်ကုန်တိုင်းသေကြီးလွှတ်တော် ကိုယ်စားလှယ် ဦးရန်အောင်က ဆိုသည်။

မိုးပျံမီးရထားလမ်း တည်ဆောက်မည့် တရုတ်နိုင်ငံအခြေစိုက် China Railway Eryuan Engineering Group ကုမ္ပဏီနှင့် ကရင်တိုင်းရင်းသာလူမျိုးရေးရာဝန်ကြီး နော်ပန်းသဥ္ဇာမျိုးတို့က မိုးပျံရထားလမ်း စီမံကိန်းနှင့် ပတ်သက်၍ ရန်ကုန်တိုင်းလွှတ်တော် ကိုယ်စားလှယ်များနှင့် ဆွေးနွေးချက်များကို ၎င်းကတစ်ဆင့်ပြန်လည် ပြောကြားခြင်းဖြစ်သည်။

မိုးပျံရထားလမ်း တည်ဆောက်ရန်အတွက် လက်ရှိမြို့ပတ်ရထားလမ်းကိုအသုံးပြုရန်နှင့် သီးခြားလမ်း ဖောက်လုပ်ရန်ဆွေးနွေးထားပြီး တည်ဆောက်ရေးကာလကို ၂၄ လ နှင့် ၃၆ လ ကြာမြင့်ကာ နှစ် ၅၀ လုပ်ကိုင်ခွင့်ပြုရန် China Railway Eryuan Engineering Group ကုမ္ပဏီက ဆွေးနွေးခဲ့ကြောင်း တိုင်းလွှတ်တော်ကိုယ်စားလှယ် ဦးရန်အောင်က ဆိုသည်။

မိုးပျံရထားလမ်းပြေးဆွဲပါက ယာဉ်ကြောကျပ်တည်းမှုကို အထိုက်အလျောက် ဖြေရှင်းနိုင်မည်ဖြစ်သည့်အတွက် ယင်းစီမံကိန်းကို တိုင်းလွှတ်တော်ကိုယ်စားလှယ်များက ကြိုဆိုသော်လည်း လမ်းအသစ်ဖောက်လုပ်ပါက မြေယာကိစ္စများဖြေရှင်းရမည်သောကြောင့် အချိန်ကြန့်ကြာနိုင်ကြောင်း ၎င်းကဆိုသည်။

တည်ဆောက်ပြီးပါက တစ်ရက်လျှင် လူလေးသိန်းခန့်စီးနင်းနိုင်မည်ဟု China Railway Eryuan Engineering Group ကုမ္ပဏီက ခန့်မှန်းတွက်ချက်ထားကြောင်း ၎င်းကဆိုသည်။

ရန်ကုန်တိုင်းအတွင်း ရန်ကုန်မိုးပျံအမြန်လမ်း (YEX) Phase 1 စီမံကိန်းကို ၂၀၂၂ ခုနှစ်တွင် အပြီးတည်ဆောက်ရန် စီစဉ်နေကြောင်း ဆောက်လုပ်ရေးဝန်ကြီးဌာနကလည်း သတင်းထုတ်ပြန်ထားသည်။

ပုံ – ရန်ကုန်တိုင်းဒေသကြီးအစိုးရအဖွဲ့ FB
မိုးပျံရထားလမ်းတည်ဆောက်ရန် ဆွေးနွေးနေပုံ
Credit_The Voice

https://thadinyatkwat.com/archives/17290